كمبوت الخوخ اللذيذ

عاوزة تعملى كمبوت خوخ فى البيت جربى طريقتى وادعيلى:
الطريقة: هاتى أى كمية خوخ عندك( وانا شخصيا بحب الخوخ البايت بقاله يومين او اكثرفى الثلاجة )وحطى حلة على النار فيها ماء يكفى لتغطية كمية الخوخ المراد عملها واتركى الماء يغلى.
بعد غليان الماء اضيفى الخوخ بعد غسله وعلى حسب درجة نضج ثماره (لو ناضجة جدا يبقى يادوب المية تغلى واطفى ولو نصف ناضج خليها تغلى غلوتين) وصفى الماء الساخن وضعى بدلا منه ماء بارد لمنع زيادة طهى الخوخ واتركيه فى الماء البارد حتى يمتص حرارته ويبرد الخوخ ثم قومى بتقشير الثمار وسوف تجدين ان القشرة تنفصل بمنتهى السهولة وسترين فصى الثمرة واضحين لفصلهما عن البذرة.
وان وجدتى صعوبة فى فصل الفصين سليمين قسمى الثمرة بالسكين اربعة أجزاء وافصليها عن البذرة باطراف اصابعك بحرص ( علشان ماتتهريش منك).
بعد ذلك ضعيها فى اناء ورشى عليها سكر (كمية السكر حسب درجة الحلاوة التى تريدينها) واعصرى عليها نصف ليمونة( حتى لايسود الخوخ لما يحويه من نسبة حديد قابلة للاكسدة) ثم ضعيها فى الثلاجة لمدة ساعتين
عند اخراجها ستجدين الخوخ بشكله البراق يغطيه احلى عصير خوخ طبيعى يضاهى الكمبوت المعلب ان لم يكن اطعم .
..ملحوظة: انا بعمل المشمش بنفس الطريقة واخزنه فى الفريزر ولما باعمله عصير بيبقى احلى من احلى قمر الدين موجود فى السوق .
جربوا وقولولي رأيكم واوعوا تنسوا تدعو لي بظهر الغيب .

yam yam

جوعتينا ع السيرة يا مووون

يعني شعر وادب وطبخ كمان

ده موش حسد لا سمح الله

ده قر بس

هههههههههه

على فكرة كومبوت الخوخ باعمله انا واختي

بس ماكناش بنطلعه م المية السخنة

ونبدلها بمية باردة

العلم نور بردو

هههههههه

مشكورة يا مووون ع الوصفة

تسلم الايادي

اقتباس :: جوعتينا ع السيرة يا مووون

يعني شعر وادب وطبخ كمان

ده موش حسد لا سمح الله

ده قر بس

هههههههههه

على فكرة كومبوت الخوخ باعمله انا واختي

بس ماكناش بنطلعه م المية السخنة

ونبدلها بمية باردة

العلم نور بردو

هههههههه

مشكورة يا مووون ع الوصفة

تسلم الايادي

ههههههههههههههههههههههههههههههه اسمعوا بقى اللي يدخل هنا يقووووول ما شاء الله لاقوة الا بالله ههههههههههههههه وما خفي كان اعظم يا بروكن ، كل واحد فينا شخصيته اكيد فيها مواهب عديدة بس المهم يعرف ازاي يكتشفها ؟؟؟؟؟؟؟
جربي وادعي لي واحنا دلوقت في موسم الخوخ ، يعني الامر متاح للجميع .
ملحوظة : اللي تطلع معاها الحاجة وحشة اوعى تدعي عليه انا بقولكم اهو من الاول احسن ابطل اكتب اي حاجة الشرط نووووور

» فوائد الخوخ