شوربة المشرم بالكريمة .........

شوربة المشروم بالكريمة
المقادير
بصلة متقطعه صغير اوى
مشروم متقطع شرايح ويكون طازة لو معلب مفيش مشكله انقعيه فى مية شوية وبعدين اغسليه علشان ريحته تبقى حلوة
معلقتين دقيق
شوربة فراخ
كريمة خفق(كريمة لبانى)
الطريقة
1- فى حلة حطى معلقة سمنة بلدي ومعلقة زيت وشوحى فيهم البصل من غير ما يتغير لونه على نار هاديه
2- اول ما ريحه البصل تطلع يبقى خلاص ممكن كده نضيف الدقيق ونقلب كويس وبعدين نضيف المشروم ونسيبهم شوية على نار هادية وبعدين نضيف الشوربة
ونشوفها محتاجه ملح ولا مضبوطة ونسيبها تغلى لحد ما المشروم يستوى مش هياخد وقت حوالى 10 دقايق كده
3- نضيف الكريمة اللبانى ونقلب يعني انا حطيت نص العلبه الصغيرة كانت كفايه ونسيبها على النار دقيقتين وبعدين نطفى ونقدمها وممكن نزينها بورق البقدونس
ملحوظة 1
ممكن لو عندك بواقى فراخ مستوية تقطعيها في الشوربة كمان حتت صغيرة
وممكن تستغنى عن المشروم خالص للي مش بيحبه وتعملى نفس الطريقه بالضبط وبدل المشروم تحطى قطع دجاج صغيرة مخليه من العظم وكده تبقى شوربة دجاج بالكريمة
ملحوظة 2
أنا سمعت شيف بيقول إن كوب كريمة لبانى=كوب لبن+معلقة كبيرة نشا.
يعني في في حالة عدم توفر الكريمة اللباني ممكن تضيفي على المقدار السابق نصف كوب لبن وملعقة صغيرة نشا .

[img]

شوربة المشرم بالكريمة ......... 832600852

[/img]

على فكرة أنا بعملها ...وإيه بتطلع تحفة مقولكمش وااااااااااااااااااو بتعجب زوجي وبتعجبني جدا ، وممكن تقديميها جنب كل أصناف الأكل ( الرز والمكرونة والفراخ بكل أشكالها وخصوصاً المشويات ) بالهنا والشفا ، واللي تجربها يا ريت تقولي على النتيجة .

[img]

شوربة المشرم بالكريمة ......... 000r052opmc

[/img]

تسلم ايدك يا موووووووون وبجد شجعتيني اجربها

تسلمي يا قمر

شوربة المشرم بالكريمة ......... W6w_w6w_2005042717201615adc204

تسلمي يا شمس بجد انت روعة في كل حاجة ذوقك وردودك وكمان التنسيق والصور المدرجة تحفة أيوه كدة زيني وجملي المنتدى يا أحلى شمس منورة هههههههههههههه
يا ريت لما تجربي تكتبي لي أخبارها إيه معاكي ولو في ملاحظات قوليلي .

ربنا يخليكي يا مووووون علي ذوقك رافعه معنوياتي دايما

ههههههههههههههههههههههه

و بصراحه نفسي اقوم اجربها دلوقتي

ان شاء الله هجرب واقولك رايي

معقوووووووووووووووولة يا شمس لسة ما جربتهاش ؟؟؟؟؟؟؟؟؟؟؟؟؟؟؟؟؟ فين ردك ؟؟؟؟؟؟؟؟؟؟ وحشتيني جدا .