الكيكة الدسمة بالسفن أب ..............

الكيكة الدسمة بالسفن أب
المقادير
3 كوب الا ربع دقيق ابيض منخول مرتين
2 كوب سكر
كوب الا ربع زيت
5 بيضات كبار
فانيليا
كيس بودر =معلقتين كبار بودر (ننخلهم على الدقيق)
السر بقى زجاجة سفن أب أو سبرايت
الطريقة
1_فى الخلاط او بالمضرب الكهربي نضرب البيض+السكر+الفانيليا كويس جدا حوالى 10 دقايق
2-نضيف الزيت على الخليط ونضربه لحد ما يختلطوا ببعض كويس
3-فى وعاء نصب الخليط ونضيف الدقيق كوباية كوباية مع التقليب بالمضرب اليدوي أو الكهربي أو الملعقة فى اتجاه واحد وما ننساش نضيف البودر المنخول
4-نضيف السفن أب ونقلب لحد ما الخليط يتجانس
5 -ندهن صينية خفيف اوى بالسمن ونرش فيها دقيق وبعدين نقلبها و نخبط عليها كده علشان الدقيق الزياده يقع
6- نصب فيها الخليط بحيث يبقى واصل نص الصينية او اعلى شوية صغيرين
7 -نولع الفرن من فوق ومن تحت شوية لحد ما يسخن وبعدين نخلي النار وسط على اد ما نقدر وندخلها فى الوسط ونسيبها وما نفتحش عليها ابدا قبل 25 دقيقة تقريبا
8-نختبر اذا كانت استوت ولا لا نغرس فيها سكينة او عود خشب ولو طلع فيه خليط يبقى لسه محتاجه تستوى نسيبها تكمل سوا ولو طلع نضيف يبقى خلاص تمام كده
9- نطفى الفرن ونسيبها جواه لحد ما تبرد علشان لو طلعناها من هوا سخن لهوا بارد بتهبط
10 -ممكن نقطعها وتتاكل كده وممكن نزوقها بكريمة او شوكولاته وفاكهه حسب ما نحب
11- اللى يحبها كيكة بالشوكولاته نفس الخطوات اللى فوق بالضبط ويشيل ربع كوبايه دقيق ويحط بدلهم ربع كوب شوكولاته بودرة منخوله
على فكرة انا بعمل الكيكة دي تقريبا كل اسبوع وبقطعها واحطها فى التلاجه فى علبه واغطيها وبنفطر بيها على طول بتبقى حلوة اوى
منقووول

[img]

الكيكة الدسمة بالسفن أب .............. 832600852

[/img]

على فكرة أنا جربتها نصف الكمية فقط في صينية صغيرة وطلعت تحفة واااااااااااااااو

تسلم ايدك يا مووووون علي الكيكه الروووعه

بعملها كده برده وبتطلع جميلة اوي

تسلمي يا قمر

بجد ، كويس لقيت حد يشاركني ، نورتيني ، وتسلمي لذوقك وجمال مرورك .