الملوخية واااااااااااااااااااااااااااو .

الملوخية
1-لو هتستخدمي ملوخيه ناشفه يبقى تمام مفيش مشكله هتستخدمى ملوخيه خضرا يبقى تقطفيها وتغسليها كويس اوى كذا مرة علشان لو فيها رمل وبعدين تحطيها فى مصفاه لحد ما تصفى كويس وتفرديها تنشف من الميه خالص وبعدين تضربيها فى مفرمة الملوخيه او تخرطيها عادى وتبقى مش ناعمة قوي تكون وحلوة كده
2-هتسلقى الفراخ او اللحمه وتحطي في السلق بصلة مقطعة اربعة وطماطماية مقطعة اربعة لحد ما يتسلقوا كويس .
3-هناخدالشوربة و نحطها تغلى على النار ونضبط ملحها ونحط لها شوية كسبرة ناشفه مش كتير
4-نضيف الملوخيه ويادوب تغلى غلوة واحده مش اكتر من كده علشان ما تسقطش فى ارضية الحلة .
5-نحمر كمية حلوة من التوم المدقوق وكمية من الكسبرة الناشفه(دى اهم تكة فى الملوخية) فى معلقة سمنة بلدي ومعلقة زيت ونطش بيهم الملوخية ( وما تنسيش الشهقة ههههههههههههههه )ونطفى عليها وتتقدم ساخنة .
وبالهنا والشفا .

[img]

الملوخية واااااااااااااااااااااااااااو . 832600852

[/img]

يا ريت لو حد مجرب طريقة تانية أفضل من دي يكتبها لنا عشان نستفيد ، مشكورين .

تسلم ايدك يا مووووووون علي الطريقة الجميلة

فيه طريقة تانيه جربتها هي نفس الطريقة دي بس بدق الثوم ني مع فلفل اخضر وبحطه يغلي مع

الشوربه مع اضافة كمون مطحون

وبضيف الملوخيه ومش بعمل الطشة ، دي للناس الي بيبقي عندهم حموضه من الطشة

تسلمي يا قمر علي الاكلات الجميلة

اقتباس :: بدق الثوم ني مع فلفل اخضر وبحطه يغلي مع

الشوربه مع اضافة كمون مطحون

فكرة برضه هجربها إن شاء الله تعالى ، تسلمي لمرورك .